Yeni Mp3
Daxil ol
Şöhrət Məmmədov
Şöhrət Məmmədov 1 iyul 1995-ci ildə Qazax rayonunun Fərəhli kəndində anadan olub. 2001-2009-cu illərdə Fərəhli kəndində Kamran Kərimov adına orta məktəbində təhsil almışdır. 2009-cu ildə Qazax rayonu Səməd Vurğun adına 2 saylı orta məktəbdə təhsilini davam etdirmişdir. 2012-ci ildə Dövlət Sərhəd Xidmətinin hərbi akademiyasının 1-ci kursuna daxil olmuşdur, peşekar hərb təhsilini aldıqdan sonra 2016-cı ildə həmin akademiyanın məzunu olmuş, leytenant kimi ilkin hərbi rütbə ilə hərbi xidmətinə davam etmişdir. 2018-ci ildə Dövlət Sərhəd Xidmətinin hərbi sıralarından ayrılmış və xidmətini dayandırmaq qərarına gəlmişdir.
Uşaq yaşlarından musiqiyə böyük həvəsi olan Şöhrət Məmmədov hərbi xidmətindən ayrılandan sonra musiqi karyerasına başlamışdır. İlk mahnısının sözləri və bəstəsi özünə aid olan "Ay Ömrüm" mahnısı olmuşdur və bu mahnı ilə də qısa müddət ərzində böyük bir kütlənin sevgisini, marağını qazanmışdır. "Ay Ömrüm" mahnısı ilə musiqi sahəsində böyük maraq yaratmış Şöhrət Məmmədov bundan sonra da bir neçə hitlər ərsəyə gətirmiş və öz tamaşaçı kütləsini toplamışdır. Sənətçinin karyerasında "Öpüm Nəfəsindən" adlı mahnısı ilə milyonların sevgisini qazanmışdır. Bu mahnı bir neçə ölkədə səslənmişdir. Türkiyənin sənətçiləri Mustafa Ceceli və Ekin Uzunlar tərəfindən səsləndirilmişdir. Milyonların sevgisini qazanan Şöhrət Məmmədov bir neçə gün öncə təqdim etdiyi "Olarmı" mahnısı da qısa bir zamanda böyük marağa səbəb olmuşdur.